दोश्रो स्व. पदम वहादुर गुरुङको स्मृतीमा खुल्ला क्लब स्तरीय पुरुष फुटबल प्रतियोगीता
मंसिर २६ गते । जिल्लाको फुङलिङ नगरपालिका–६ मर्दटारमा (लक्ष्मीटार) ‘तमू ल्होसार २०८२’ को अवसरमा पुस ११ गतेदेखि १५ गतेसम्म दोश्रो स्व. पदम वहादुर गुरुङको स्मृतीमा खुल्ला क्लब स्तरीय पुरुष फुटबल प्रतियोगीता हुने भएको छ । वृहत सांस्कृतिक कार्यक्रमसहित पुरुष फुटबल प्रतियोगीता हुने भएको हो । प्रथम पुरस्कार १ लाख १५ हजार र दोश्रो पुरस्कार ५५ हजार रुपैयाँसहित ट्रफी,मेडल र प्रमाणपत्र प्रदान गरिने भएको छ । विधागत रुपमा पनि पुरस्कार राखिएको छ ।
प्रथम पुरस्कार सौजन्य गर्ने परिवार ।
ताप्लेजुङ स्र्पोटिङ क्लबले तमू ह्यूल छोंज धिं गुरुङ राष्ट्रिय परिषदसँग समन्वय गरेर प्रतियोगीता तथा सांस्कृतिक कार्यक्रम गर्दै आएको हो । क्लबका अध्यक्ष मणिराज गुरुङका अनुसार पुस १५ गते र्याली र निङ्मा छ्योखोर्लिङ बौद्ध गुम्बामा शुभकामना आदानप्रदानपश्चात फाइनल खेल गर्ने निर्णय भएको छ । टिमको नाम र सहभागी संख्या चाडै टुंगो लाग्ने अध्यक्ष गुरुङले जानकारी दिए ।
स्व. पदम वहादुर गुरुङका श्रीमती,कान्छा छोरावुहारीद्धारा दोश्रो र विधागत पुरस्कार सौजन्य ।
