ताप्लेजुङमा चासोक तङ्नाम पर्वमा पालिकास्तरीय महिला फुटबल सम्बन्धि शुक्रबार आयोजित पत्रकार सम्मेलन
कार्तिक २२ गते । जिल्लास्थित श्री भानु जन माविको मैदानमा मंसिर १३ गतेदेखि २० गतेसम्म महिला फुटबल प्रतियोगीता आयोजना हुने भएको छ । चासोक तङ्नाम पर्वको अवसरमा पालिकास्तरीय महिला फुटबल सञ्चालन हुने भएको हो । प्रथम पुरस्कार २ लाख २ हजार ८२ रुपैयाँ र दोश्रो पुरस्कार १ लाख २ हजार ८२ रुपैयाँ राखिएको संयोजक चन्द्र थेबेले जानकारी दिए । प्रत्येक खेलमा म्यान अफ दि म्याच घोषित खेलाडीलाई ५ हजार प्रदान गरिने सयोजक थेबेले बताए । सर्वोत्कृष्ट खेलाडीलाई १० हजार पुरस्कार प्रदान गरिने भएको छ ।
संयोजक थेबेले भने,‘माग भएर पनि महिला फुटबल हुन सकेको थिएन् । त्यही भएर यो पटक पुरुष फुटबलको सट्टा महिला फुटबल गर्ने निधो गर्यौ ।’ जिल्ला खेलकुद विकास समिति कार्यालयका प्रमूख यज्ञनिधि पौडेलले महिला फुटबल समावेश गरेकोमा खुसी व्यक्त गरे । कार्यालय प्रमूख पौडेलले भने,‘सवै विधाको खेल फरक फरक ठाउँमा खूसीको कुरा हो । निरन्तरता दिनु सुनमा सुगन्ध थपिनुझै हो ।’ गतवर्ष आयोजित पुरुष फुटबलमा आम्दानीभन्दा खर्च बढि भएको कोषअध्यक्ष कुलदिप मादेनले बताए । ३८ लाख ७९ हजार खर्च र ३२ लाख ९० हजार आम्दानी भएको थियो । कोषअध्यक्ष मादेनले थपे,‘संस्कार र संस्कृति जोगाउन आयोजित खेलकुद नाफा घाटामा मात्र केन्द्रित हुुनु हुँदैन् । निन्तरता ठूलो कुरा हो ।’ प्रतियोगीतासँगै सांस्कृतिक कार्यक्रम पनि समावेश गरिने भएको छ । कंञ्चनजंघा फुङलिङ क्लब र ङा वोरक सङ्जम्बोको आयोजनामा प्रतियोगीता आयोजना गर्न लागिएको हो ।
