ताप्लेजुङ गोल्डकप २०८२ को खेल तालिका
साउन १५ गते । साउन २४ गतेदेखि ३१ गतेसम्म संञ्चालन हुने ताप्लेजुङ गोल्डकप २०८२ (तेश्रो संस्करण) खेल तालिका विहिबार पाथीभरा मन्दिरमा सार्वजनिक गरिएको छ । आयोजक लाखेजात्रा संञ्चालन समितिले खेल र पर्यटन जोडेर पाथीभराबाट खेल तालिका सार्वजनिक गरेको हो । लाखेजात्रा संञ्चाल समिति अध्यक्ष सागर मादेन,कोषअध्यक्ष दावा शेर्पा,सहसचिव डिल्ली गुरुङ र सदस्य पुर्ण गुरुङ,जिल्ला समन्वय समिति उपप्रमूख कृष्ण लिङ्खिम,पाथीभरा क्षेत्र विकास समिति सदस्य पृथ्वीमान पालुङवा र कार्यकारी निर्देशक प्रजिन हाङवाङको उपस्थितिमा तालिका सार्वजनिक गरेको हो । अध्यक्ष मादेनले भने,‘खेलमार्फत पाथीभराको प्रचार प्रसार गर्नु हो । पहिलो पटक गरेका हौ ।’
पाथीभरा क्षेत्र विकास समितिले प्रतियोगीताका लागि ७ लाख रुपैयाँ दिने निर्णय गरेको छ । कार्यकारी निर्देशक प्रजिन हाङवाङले भने,‘पाथीभराको प्रचार रचनात्मक रुपमा पनि हुन्छ । कार्यविधिअनुसार सहयोग गर्न मिल्छ ।’ कोषअध्यक्ष दावा शेर्पाका अनुसार पाथीभरा मातासँग शक्ति मागेर खेलतालिका सार्वजनिक गरेको हो ।
(खेल तालिका हेर्नुहोस्)
