मैवाखोला गाउपालिका उपाध्यक्ष कमल कुमारी लिम्बू
असार ९ गते । जिल्लाको मैवाखोला गाउपालिकाले गर्भवति महिलालाई स्वास्थ्य संस्थासम्म पुर्याएर सुत्केरी गराउन समन्वय र सहयोग गर्ने महिला स्वास्थ्य स्वयंसेविकालाई प्रति गर्भवती एक हजारका दरले प्रोत्साहन रकम दिने भएको छ। आ.ब.२०८२/८३ को बजेट विवरण सोमबार सार्वजनिक गर्दै गाउँपालिका उपाध्यक्ष कमल कुमारी लिम्बूले यसका लागि एक लाख रुपैया छुट्याएका हुन्। ६ वटा वडा रहेको गाउँपालिकामा एक आर्थिक वर्षमा एक सय जना सुत्केरी हुने अनुमान गरेको छ । स्वास्थ्यकर्मि घर घरमा गएर स्वास्थ्य परिक्षण गर्नका लागि पाँच लाख रुपैयाँ छुट्याइएको छ।
मैवाखोला गाउपालिका अध्यक्ष विजयप्रकाश वनेम
शिक्षा तर्फ प्रधानाध्यापकाकलाई माशिक भत्ता, उत्कृष्ट प्रधानाध्यापक र शिक्षक पुरस्कारका लागि ४ लाख ५० हजार छुट्याइएको छ । प्रधानाध्यापकलाई मासिक एक हजारका दरले छुट्याइएको छ । कक्षा ११ र १२ का विद्यार्थीलाई पाठयपुस्तक गाउँपालिकाले उपलब्ध गराउने भएको छ । यो गाउँपालिकाले विद्यालयस्तरमा खेल सञ्चालनका लागि ५७ लाख रुपैयाँ बिनियोजन गरेको छ । विद्यालय स्तरवाट खेलाडी उत्पादन गर्न फुटबल, भलिबल, तेक्वान्दो, कराँते, उसु, कबड्डी र एथलेटिक्स को प्रशिक्षकका लागि बजेट विनियोजन गरिएको छ । गाउँपालिकाले ४४ करोड ७१ लाख १६ हजारको बजेट प्रस्ताव गरेको छ । अध्यक्ष विजयप्रकाश वनेमका अनुसार स्थानियबासीको आवश्यकताअनुसार कार्यक्रम समावेश गरेर वजेट विनियोजन गरेको हो ।
मैवाखोला गाउपालिका गाउँसभा
