सहलेस क्लब सिरहा
साउन २७ गते । सहलेस क्लब सिरहाले मंगलबारको खेलमा फिदिम स्र्पोटिङ क्लब पाँचथरलाई ६–० गोलले पराजित गरेको छ । ताप्लेजुङ गोल्डकप तेश्रो संस्करणअन्तर्गतको खेलमा पहिलो हाफमा ४ र दोश्रो हाफमा २ गोल भएको हो । खेलको पाँचौ मिनेटमा सिरहाका साडिया एडमले पहिलो गोल गरे । ३५औं मिनेटमा सुजित बुढाथोकीले फ्रिकिकमार्फत सुन्दर गोल गरे । ३७औं मिनेटमा युसुफ मलिकले अर्को गोल थपे । ४२औं मिनेटमा फिदिमका डिफेन्डरले बल क्लियर गर्न नसक्दा आत्मघाती गोल भयो । पाँचथर पहिलो हाफमा ४ गोलले पछि पर्यो । पाँचथरले सुरुवाती १५ मिनेट निकै मेहनतका साथ खेलेको थियो ।
फिदिम स्र्पोटिङ क्लब पाँचथर
दोश्रो हाफ अर्थात खेलको ६६औं मिनेटमा मलिकले अर्को गोल गरे । उनको यो दोश्रो गोल थियो । ८०औं मिनेटमा मोहित गुरुङले फेरि गोल गरे । प्रतियोगीतामा सबैभन्दा बढि गोल भएको खेल सिरहा र पाँचथरबिचको खेल बन्यो । म्यान अफ दि म्याच मलिक घोषित भए । उनले नगद ७ हजार ट्रफी र मेडल प्राप्त गरे । कोशी प्रदेशका उद्योग कृषि तथा सहकारी मन्त्री खगेनसिंह हाङ्गामले पुरस्कार प्रदान गरे ।
म्यान अफ दि म्याच घोषित युसुफ मलिकलाई पुरस्कार वितरण गर्दै कोशी प्रदेशका उद्योग कृषि तथा सहकारी मन्त्री खगेनसिंह हाङगाम
