प्रतिनिधिसभा सदस्य उमेद्वारहरु सन्त वहादुर लिम्बु,सुर्य गुरुङ र नरपति पौडेल ।
फागुन ११ गते । नेपाल कम्यूनिष्ट पार्टी (माओवादी) उम्मेद्वार नरपति पौडेलले देशमा पाँच सय र एक हजारको नोट बन्द गर्नुपर्ने बताएका छन् । सोमबार विहान आयोजित चुनावी बहस रेडियो कार्यक्रममा बोल्दै पौडेलले भने,‘देशमा भ्रष्टचार र भ्रष्टचारी धेरै छन् । पाँच सय र एक हजारको नोट बन्द भएमा देशले लय समात्छ ।’ नेता र विचौलियाहरुले अकुत सम्पत्ति आर्जन गरेको पौडेलले दावी गरे । नेत्र विक्रम चन्द नेतृत्वको पार्टीको तर्फबाट उम्मेदवार बनेका पौडेलका अनुसार २०६४ सालयता २०७९ सम्मको चुनावमा पार्टीले चुनावमा भाग लिएको थिएन् । तर २०८२ को प्रतिनिधिसभा चुनावमा पार्टीले भाग लिएको बताए । पार्टी अध्यक्ष विप्लव उम्मेदवार छैन् ।
नेपाल कम्यूनिष्ट पार्टी (माओवादी) उम्मेद्वार नरपति पौडेल
मंगोल नेशनल अर्गनाइजेशन पार्टीका प्रत्यक्षतर्फका उम्मेदवार सन्त बहादुर लिम्बुले पार्टीलाई क्षेत्री बाहुन लखेट्ने पार्टी भनेर भ्रम फैलाएकोमा दुःख व्यक्त गरे । लिम्बुले भने,‘हामीलाई क्षेत्री वाहुन लखेट्ने पार्टी भनेर भ्रम फैलाए । यो दुःखको कुरा हो ।’ पार्टीले घोषणापत्रमा जाति,धर्म र लिङ्गको विषयमा कुनै कुरा समावेश छैन् । विगतमा सानो पार्टी भनेर मुल धारका मिडियाले स्पेश नदिएको तर अहिले सबै मिडियाले पार्टीको मुद्धालाई स्पेश दिएको लिम्बुले अनुभव सुनाए । लिम्बुले भने,‘गठबन्धन गर्दैनौ । भोट पनि किन्दैनौ ।’ आफू योग्य र जनताको भरोसा भएकाले जिल्ला,प्रदेश र सँघले उम्मेदवार बनाएको लिम्बुले बताए । चुनावमा हार जित जे भएपनि पार्टीले उठाएको मुद्धा हजारौ वर्षसम्म पनि निरन्तर रहने लिम्बुले बताए ।
मंगोल नेशनल अर्गनाइजेशन पार्टीका प्रत्यक्षतर्फका उम्मेदवार सन्त बहादुर लिम्बु
जनता समाजवादी पार्टी नेपाल उम्मेदवार सुर्य तमूले २०६२÷६३ को जनआन्दोलनबाट पनि देश परिवर्तन नभएको बताए । गुरुङले भने,‘व्यक्ति परिवर्तन भएका छन् । तर देश परिवर्तन हुन सकेन् । गलत पात्रको हातमा सत्ता रहुन्जेल देश र जनताले दुःख पाउँछ ।’ गुरुङले सामाजिक सञ्जालबाटै मत माग्ने गरेका छन् । प्रविधिको प्रयोग गरेर मत मागेको उनले बताए । गुरुङले थपे,‘सामाजिक सञ्जाल चलाउन सिक्दा सिक्ने सिप हो । मैले त्यो प्रयोग गरेको छु ।’
जनता समाजवादी पार्टी नेपाल उम्मेदवार सुर्य तमू
पौडेल,लिम्बु र गुरुङलाई तपाईहरुको मत कति हो भन्ने जिज्ञासामा उनीहरुले सामुहिक जवाफ दिदैँ भने,‘ठ्याक्कै यति नै हो भन्न सक्दैनौ । तर एउटै मुद्धा भएका पार्टी पनि विभाजित छौ ।’ साना दलले मत भेला गर्ने र अन्त्यमा पैसाको थैलो आफूले बोक्ने र मतदान गर्न लगाउने चलन छ नि भन्ने प्रश्नमा उनीहरुले भने,‘त्यो दुर्भाग्यपूर्ण हो । जसले गर्छ ऊ कारवाहीको भागिदार बन्छ ।’ यद्यपी जनताले मत दिए छातीमा सांसदको लोगो लगाउनेछौ ।
नोटःविस्तृत कुराकानी रेडियो ताप्लेजुङ,रेडियो तमोर र रेडियो काबेलीको पेजमा क्लिक गरेर सुन्न सक्नुहुन्छ ।
