नेपाली काग्रेस प्रशिक्षण विभागद्धारा शुक्रबार आयोजित कार्यक्रममा प्रस्तुती गर्दै जिल्ला सभापति गजेन्द्र प्रसाद तुम्याङ
असार २७ गते । नेपाली काग्रेस प्रशिक्षण विभागले असार १६ गते प्रशिक्षण कार्यक्रम संञ्चालन सम्बन्धि सूचना सामाजिक सञ्जालमा सार्वजनिक गर्यो । फुङलिङ नगरपालिकाअन्तर्गतका ११ वटै वडाबाट प्रतिनिधित्व गर्नुपर्ने भ्रातृ संस्था र संख्या नै किटान गरेको थियो । सोही बमोजिम शुक्रबार (असार २७ गते) उद्योग वाणिज्य सँघको हलमा आयोजित कार्यक्रममा अपेक्षा गरेजति नै सहभागी भए ।
नेपाली काग्रेस प्रशिक्षण विभागद्धारा शुक्रबार आयोजित कार्यक्रममा सहभागीहरु ।
प्रशिक्षण कार्यक्रममा नेपाली काग्रेसको ऐतिहासिक पृष्ठभुमिदेखि आधुनिक युग सुहाउँदो विषय समावेश थियो । प्रशिक्षण विभाग प्रमूख डिल्लीरमण बरालले पार्टी स्थापना,जय नेपाल शब्द,चारतारे झण्डा र रुख चिन्हको महत्व प्रष्ट पारे । शुक्रराज शास्त्रीदेखि मुक्ति सेनाले समेत प्रयोग गर्ने शब्द हो,‘जय नेपाल’ । रेडियो नेपालले पहिलो पटक प्रयोग गरेको शब्द पनि ‘जय नेपाल’ नै थियो । काग्रेसको चिन्ह रुख छनौट र महत्वबारे चर्चा गरे । रुख प्रकृतीको सम्मान पनि हो । चारतारे झण्डाको अर्थ वाक स्वतन्त्रता,आर्थिक स्वतन्त्रता,धार्मिक स्वतन्त्रता र भयबाट मुक्ति हो । रातो र सेतो रङको अर्थ लोकतन्त्र प्राप्ति गर्न गरिने संघर्ष र शान्तिको प्रतिक पनि हो । काग्रेस जिल्ला उपसभापति समेत रहेका बरालले भने,‘झन्डा,चिन्ह र शब्दको अर्थ महत्वपुर्ण छ । कार्यकर्ता र नेताले जान्नैपर्छ,बुझ्नैपर्छ ।’ विपी कोइरालाले भारत निर्वासनका बेला नेपालमा प्रजातन्त्र स्थापना गर्नका लागि गरेको संघर्ष काग्रेसले मात्र होइन,सबैले अध्यन गर्न आवश्यक छ ।
नेपाली काग्रेस प्रशिक्षण विभागद्धारा शुक्रबार आयोजित कार्यक्रममा सहभागीहरु ।
यसैबिच कार्यक्रममा काग्रेस जिल्ला सभापति गजेन्द्र प्रसाद तुम्याङले उद्घोषण र प्रवचनकला सम्बन्धि कक्षा संञ्चालन गरे । कार्यक्रमका प्रमूख अतिथि तुम्याङले भने,‘माइक समाएर बोल्दैमा उद्घोषक हुने होइन् । उद्घोषक शब्दलाई न्याय गर्न सक्नेगरिको हुनुपर्छ ।’ प्रत्यक्ष र अप्रत्यक्ष रुपमा आयोजित कार्यक्रममा उद्घोषकले बोल्ने शब्ददेखि लगाउने पहिरनसम्म ध्यान दिनुपर्ने विषय प्रस्तुतीमा समावेश थियो । नेपाली काग्रेसको साधारण सदस्यको मुल्य र मान्यता तथा क्रियाशिल सदस्यको योग्यताको विषयमा पूर्व सभापति केशव प्रसाद दाहालको प्रस्तुती थियो । दाहालले भने,‘विधानमा लेखिएको सर्त पालना गरेर मात्र काग्रेस हुन सकिदैन् । मनदेखि नै काग्रेस हुन सक्नुपर्छ ।’
नेपाली काग्रेस प्रशिक्षण विभागद्धारा आयोजित कार्यक्रमका सहजकर्ता र विषय विवरण ।
नेपाली काग्रेसको आदर्श र सिद्धान्तको विषयमा जिल्ला सदस्य सुरेन्द्र बस्नेतले प्रस्तुती दिए । राष्ट्रियता, लोकतन्त्र र समाजवादको विषयमा सदस्य बस्नेतले प्रष्ट पारे । संविधान देशको मुल कानुन हो । स्थानिय तह,प्रदेश र संघिय सरकारको काम,कर्तव्य र उदेश्य प्रस्तुतीमा समावेश थियो । नेपाली काग्रेसको ऐतिहासिक पृष्ठभूमि र राजनीतिक प्रतिबद्धताबारे मातृका शेर्पाले सहजीकरण गरे । प्रशिक्षण विभाग सदस्य शेर्पाले भने,‘राजनीतिक प्रतिबद्धता नैतिक हतियार हो । जब प्रतिबद्धता पुरा गर्न सकिन्छ । तब पाटी जीवित हुन्छ ।’ संगठन विस्तारमा सूचना प्रविधिको प्रयोगबारे महाधिवेशन प्रतिनिधि माला पालुङ्वाले प्रस्तुती दिए । पालुङ्वाले भनिन्,‘२१औं शताब्दीको युग हो । विज्ञान प्रविधिको उच्चतम प्रयोगले मानवीय जीवन सभ्य बनेको छ । तसर्थ दुरुपयोग होइन, सदुपयोग गरौ ।’ सामाजिक सञ्जालमा लेखिने स्टाटस व्यक्तिको बौद्धिकता मापन गर्ने सुचक पनि हो । उनले सामाजिक सञ्जालसँग कसरी जोडिने र छिटो छरितो रुपमा प्रविधिमैत्री भएर कसरी काम गर्ने भन्ने सिपको खाँचो रहेको बताए । कार्यक्रममा सहभागीले कार्यक्रम शिर्षक समय सुहाउँदो भएको प्रतिक्रिया दिएका छन् । काग्रेसले पछिल्लो समय कार्यक्रम र सभा सम्मेलन व्यापक बनाउँदै लगेको छ ।
