नेपाली काग्रेस पाटीको घुम्ती बैठक
असार १३ गते । नेपाली काग्रेस पाटीको सदरमुकामा शनिवार तय गरिएको घुम्ती बैठकको तयारी पुरा भएको छ । सामुदायिक हलमा विहान ११ बजेदेखि सुरु हुने बैठकका लागि आवश्यक तयारी पुरा भएको नेपाली काग्रेसले जनाएको छ । नेपाली काग्रेसका केन्द्रिय सदस्य गुरु बरालको प्रमूख आथिथ्यतामा कार्यक्रम हुने भएको हो । काग्रेस जिल्ला सभापति गजेन्द्र प्रसाद तुम्याङले भने,‘तयारी पुरा भएको छ । ६१ वटै वडामा निम्तो गरेको नेता कार्यकर्ता आउने क्रम सुरु भएको छ ।’ नेपाली काग्रेस फुङलिङ नगर कार्य समिति सभापति सुरेश सिंघक नेतृत्वको टोलीले कार्यक्रमस्थलमा साउण्ड सिस्टम जडानदेखि सरसफाई गरेर तयारी पुरा गरेको छ । सिंघकले भने,‘सबै साथीहरु आएर काम सघाउनुभयो । त्यही भएर सहज नै भयो ।’
सामुदायिक हल
कार्यक्रम उद्घाटन र स्वागत मन्तव्य लगत्तै फुङलिङ नगर कार्य समितिको विशेष कार्यक्रम समावेश गरिएको छ । कार्यक्रममा ७५ वर्ष माथिका जेष्ठ नागरिकलाई सम्मान कार्यक्रम राखिएको छ । यसैगरि पाटीको विभिन्न भ्रातृ संस्थामा निर्वाचित भएकालाई बधाई ज्ञापन कार्यक्रम छ । ११ वटै वडाको वडा सभापतिले वडामा पाटीको अवस्था बारेमा व्रिफिङ गर्नेगरि समय व्यवस्थापन गरिएको छ ।
यसैगरि विभिन्न पाटी परित्याग गरेर आएकालाई पाटी प्रवेश कार्यक्रम समावेश छ । नगर कार्य समितिको कार्यक्रम सकेपछि घुम्ती बैठक सुरु हुनेछ । बैठकमा विभिन्न एजेण्डा समावेश गरेको छ । नगरपालिकाको विकाससँग सम्बन्धित विषयमा फुङलिङ नगरपालिका नगरप्रमूख अमिर मादेनले जवाफ दिने भएका छन् । पाटी र संगठनको विषयमा पाटी नेतृत्वले जवाफ दिनेछ । एजेण्डामाथि छलफल गरेर निश्कर्षमा पुगेपछि ‘फुङलिङ घोषणापत्र’ जारी गरि बैठक समापन गर्ने कार्यक्रम तालिका छ ।
स्वागत नृत्यको प्राक्टिश गर्दै नेविसँघ
कोशी प्रदेशका उद्योग कृषि तथा सहकारी मन्त्री खगेनसिंह हाङगाम,पाटीका पूर्व सभापति केशवप्रसाद दाहाल,पाटीका पदाधिकारी,जिल्ला सदस्य,महाधिवेशन प्रतिनिधि र महासमिति सदस्य सहभागी हुने भएका छन् । क्षेत्रिय कार्य समितिका पदाधिकारी,वडा कार्य समिति भ्रातृ सँघ सस्था र नेता कार्यकर्ता भेला हुने भएका छन् । मेरिङदेन गाउँपालिकामा पहिलो पटक घुम्ती बैठक बसेको थियो । प्रत्येक स्थानिय तहमा घुम्ती बैठक संञ्चालन गर्ने निर्णय भएको काग्रेस नेतृ शिला इजम राईले जानकारी दिए ।
