चर्च व्वाइज क्लब ललितपुर
साउन २८ गते । चर्च व्वाइज क्लब ललितपुरले ट्राइब्रेकरमा द योङ ब्रदर्श क्लब इटहरीलाई हराउँदै ताप्लेजुङ गोल्डकपको फाइनल प्रवेश गरेको छ । सदरमुकामस्थित श्री भानु जन माध्यमिक विद्यालयको मैदानमा सम्पन्न खेलमा ३–१ गोलले पराजित गर्दै फाइनल यात्रा तय गरेको हो । निर्धारित समयमा १–१ गोलको बरावरीमा सकिएको थियो । वर्षातले मैदानमा खेल्न असजिलो भएपनि बाक्लो दर्शकको उपस्थितिमा दुवै टिमले स्तरीय खेल प्रदर्शन गरे ।
द योङ ब्रदर्श क्लब इटहरी
ट्राइब्रेकरमा ललितपुरका सुमन श्रेष्ठ,रोशन पहाडी र युवराज ढकालले गोल गरे । नवयुग श्रेष्ठ गोल गर्न चुके । इटहरीका निरोज खड्काले मात्र गोल गरे । विशाल तामाङ,निवास फुयेलको प्रहार ललितपुरका गोलरक्षक विश्वास चौधरीले उत्कृष्ट बचाउ गरे । युगन राईको प्रहार पोलमा ठोक्किएको थियो । उक्त खेलमा ललितपुरका सुमन श्रेष्ठ म्यान अफ दि म्याच घोषित भए । नगद ७ हजारसहित ट्रफी र मेडल प्राप्त गरे । फुङलिङ नगरपालिका नगरउपप्रमूख भिमादेवी ओझाले पुरस्कार प्रदान गरे । म्यान अफ दि म्याच घोषित श्रेष्ठ ९३औं मिनेटमा गोल गरेर टिमलाई कमब्याक गराएका थिए । ट्राइब्रेकरमा पनि सुरुवाती प्रहार उनले नै गरे । उत्कृष्ट गोल समेत गरे । खेल अवधिभर रक्षापक्ति बलियो बनाएर खेल प्रदर्शन गरे ।
ललितपुरका म्यान अफ दि म्याच सुमन श्रेष्ठलाई पुरस्कार प्रदान गर्दै फुङलिङ नगरपालिका उपप्रमूख भिमादेवी ओझा
दोश्रो सेमिफाइनल खेल विहीबार हुँदैछ । रेड स्टार क्लब झापा र सहलेश युवा क्लब सिरहाबिच हुनेछ । खेल दिउँसो ३ बजे तय गरिएको छ ।
